(9)
Þeyȝ I haue syngut her-be-fore,
Let me not for-garte þi grace.
I crye þe mercy, lord, euer more;
Of amendement, lord, sende sum space,
Line 68
And sende my soule for my trespace.
Þenke, lord, I am þi creature,
And sende me, lord, help now in þis cas
Þi mercy out ouer al mesure.
Line 72
(10)
Lord, wharto woldust vengaunce take
On me þat ȝelde me þus gulty?
I may not amendus make,
But put me holly in þi mercy,
Line 76
And for my synne I am sorye:
Þenk, of my self no myȝth I haue;
But þou me help, in synne I dye:
Þi grace, mercy, [? for 'grete mercy'] lord, may me saue.
Line 80
(11)
My soule, my body, lord god ihesu,
I now by-take in þi kepynge;
Kepe me, lord, in þi vertu,
In al my werk & al my worchynge.
Line 84
In þi nome be al my doynge!
In þe nome of Ihesu I be-gynne:
Lord god ihesu al weldynge,
Þis day kepe me out of synne! Amen! [[The rest of the leaf is blank.]]
Line 88
