Aȝeynes cumfort comeþ cares kene,
Aȝeynes vche a uertu is a vys.
Of alle þe vertues þat þer beone,
To suffre, hit is a þing of prys.
Line 8
Þerfore he þat wol be wys,
And loue to rule him siker in rest,
Loke þat he beo not to nys,
But suffre in tyme, and þat is best.
Line 12
(2)
Ȝif þou beo mon of mene a-syse
Or gret lord in duresse,
And þi stat may not suffise
Of þi wronge to gete red[r]esse,
Line 16
Þen mostou worchen on þis wyse,
And schewe to him such boxumnesse,
Þat rouþe in his herte may ryse
And wiþ-drawe his grete distresse;
Line 20
Ȝif he be Mesured wiþ Mekenesse,
Þen pite in him hit wol be preste.
Among alle þing, as I gesse,
To suffre in tyme and þat is beste.
Line 24
(3)
Ȝif þou be mon of gret degre,
And a pore mon in his place
fful wrongfully has greued þe,
And don þe gref wiþ his trespace,
Line 28
Þe cuntrey con wel knowe and se
Þou mai be venget in þat case;
Ȝif þou be perset wiþ pite,
Ȝit woltou spare him for a space.
Line 32
Ȝif þou so goodly schewe þi grace,
Þe holigost is in þe feste:
Þen godes blessyng schaltou in-brace,
And suffre [in] tyme and þat is beste.
Line 36
(4)
Hit is luytel worþ, seiþ Socrates,
A glasen pot, is wayk and liht,
To puiten him self to fer in pres
A-ȝeynes a caudrun for to fiht.
Line 40
