I fynde no clerk con telle me þis;
Þerfore my serwe bi-ginnes to wake.
Whon þou þenkest to don a-mis,
Haue mynde of þis & amendes make!
Line 40
(6)
Ensaumple we may sen al day
As crist schewes among vs alle:
To-day ȝif þou be stout and gay,
To-morn þou lyst ded bi þe walle.
Line 44
Merci þenne to crie and calle,
Hit is to late þi leue to take.
Be war of folye er þou falle,
And for þi sunnes amendes make!
Line 48
(7)
Ȝif þou haue don a dedly synne
wher-þorw þi soule scholde be schent,
Al þe ȝer þou wolt lye þer-Inne
In derknes til hit beo lent;
Line 52
Þen a ffrere þou wolt hent,
Þi parisch prest for schame forsake.
Of alle suche dedes, verament,
I rede þe beo wys, & amendes make!
Line 56
(8)
Ȝif þou be kyng and croune bere,
And al þis world be at þi wil,
Ȝit schaltou be pore as þou was ere,
And þat þou knowest bi puire skil:
Line 60
A schete schal þi body hule
And huyde þi cors for sinnes sake.
Þerfore repente þou hast do ille,
And for þi synnes amendes make!
Line 64
(9)
Ȝif þou beo a fryk mon in þi floures,
And haue vn-bouȝt boþe purpel & pal,
At Masse ne Matyns ne at houres
Þou kepes not come with-in þe chirche wal,
Line 68
Þer-in þi Sauor is ful smal,
Of sleuþe may þou nouȝt awake:
