But skelpe and scrope al þat he may;
He lettes nouþer for skaþe ne skorn;
Þi goodes whon he has geten a-way,
Trust nouȝt on hem after to-Morn.
Line 48
(7)
Mony a wiht wenes ful wel
Out of þis world þei schal neuur wende;
ffor feole lykinges þat þei feel,
Þei make no fors of fo nor frende.
Line 52
Now trust riht wel þei schal be tenede,
Ar bodi and soule a-two be torn.
Of erþly ese þis is þe ende,
Here to-day, a-wey to-morn.
Line 56
(8)
Ihesus þat on þe Rode was don,
ffrom wo and wondreþ þou vs wisse!
Gladly graunte us vre bone
And bryng us blessedly to þi blisse!
Line 60
ffor vre loue, Soþ hit is,
Þi syde wiþ scharpe spere was schorn:
Þou saue us þat we ben not his
Þat wolde þat we weore tynt to-Morn.
Line 64
(9)
Marie Moder, Mayden Mylde,
On al mon-kuynde ȝe haue Merci!
In feole fulþes we ben fuylede;
Þis world vseþ þe flessches foly;
Line 68
Vn-to þi sone þou calle and cry,
Crist crounet wiþ kene þorn,
He ȝiue vs grace to wone him by!
Þen schal vs tyde no teone to-Morn.
Line 72
24. Make Amends for thy Sins.
(12 stanzas of 8, abab bcbc.)
(1)
Bi a wode as I gon ryde.
walkynge al mi-self alone,
