By-fore þe Bisschop receyueþ he þere,
And takeþ þe ȝok of chastite.
A-vyse hem wel hou he hit were,
Oþer elles him schal rewe oþer me.
Line 40
(6)
Whon we ben falle in eny mischef,
Wiþ serwe In dedly synne I-bounde,
Þen is þe prest vs ful leef,
ffor he may helen vs of þat wounde.
Line 44
ffor þer is non so strong a þeef
Þat euer tok cristendom on godes grounde,
Þat he most haue a preest bi-foren his deþ,
Or elles he schal warie þe stounde.
Line 48
(7)
On domes-day whon we schul meete
Þat dredful Iuge forte se,
Þen is schrift to vs ful seete:
Þe prest þerof record beres he.
Line 52
Of alle bales he may beete
Vnder god In Trinite;
Þenne Schrift & hosul is ful swete,
And hit trewely holden be.
Line 56
(8)
Þis ordre I rede þat we honoure,
And so I counseyle þat we do,
And take penaunce for sunnes oure
Whuche þe prest haþ Iuned vs to; [[or Inned]]
Line 60
Þen schal we come to þat boure
Þer euere is Ioye wiþ-outen wo.
Ihesu bring vs and socoure.
Out of þis world whon we schal go.
Line 64
22. Try to say the best. Control your Tongue.
(7 stanzas of 8, abab bcbc.)
(1)
Qween of heuene, Moder and may,
Saue hem alle nou þat ben here.
