And let vs neuere aȝeynes hit worche:
ffrom þenne vre cristendom is brouht.
Line 4
Preostes weore at vre biginnynge;
Wȝuche God haþ graunted hem pouete
ffor vs to rede I-wis and synge,
Is non so gret a dignyte.
Line 8
(2)
Þei ȝaf vs vre Cristenynge,
And at vr buriinge þei moste be.
To worschipe hem in alle þinge,
Muchel þerto holden beo we.
Line 12
Godus bodi may no mon make
But preostes al-one, as we rede:
Kyng ne Emperour, I non out-take,
ffor alle heore richesses of lond or leode.
Line 16
(3)
Of alle Ordres he beres þe prys,
Kyng, Duyk, oþer Emperour,
Þouh heo weren þe fflourdelys,
Þat is richest of alle colour.
Line 20
In Matynes and vses þei ben wys,
To bringe vs to vr longe bour,
And vche day syngeþ a Masse to þis,
And scheweþ vs Ihesus, vre sauiour.
Line 24
(4)
In Matyns and Masse þei beren þe prys,
And in heore orisons for vs þei pray:
Þer is no mon þat is wys
Þat oþur record bi heom may say.
Line 28
Hose loueþ þis ordre, I holde him wys,
ffor certeyn soþ and in good fay,
In holy chirche þei don seruys
Boþe bi nihtes and bi day.
Line 32
(5)
But hose euer wole þis ordre bere,
Wys and witti moste he be,
Grete oþes may he non swere,
Ne falshede nouþer don ne se;
Line 36
