Þe mon þat þis matere made in mynde
Seide: non is lich to þe fflourdelys.
Line 120
(16)
Hedde not Adam don þat dede,
Vr bitter bales hed neuer ben bouȝt
On no maner, for no-kenes nede,
Ne for no werkes we schuld haue wrouȝt.
Line 124
Al þus I þenk hit in my þouȝt,
Monkynde for vs bi-com so chys;
his blisful Blod þorw him þei souȝt;
Vs ouȝte to prey to þe fflourdelys.
Line 128
(17)
Nou Marie Mayden, Moder clene,
Þi semeli Sone þat beres þe fflour,
Ȝif vs grace ow to qweme
And plese Ihesu, vr saueour.
Line 132
Bryng vs out of dette & dedly synne,
To liue and dye in þi seruys,
Heuene blisse þat we may wynne
And wone þer wiþ þi fflourdelys.
Line 136
19. Seldom seen is soon forgot. (On Edward III, his Sons, and Richard II. [Printed from the Simeon MS., Brit. Mus., Addit. 22,283, leaf 132, in T. Wright's Political Poems and Songs, Rolls Series 14, vol. i, p. 215-218.]
(14 stanzas of 8, abab bcbc.)
(1)
Adere God, what mai þis be,
Þat alle þing weres & wasteþ awai?
ffrendschip is but a vanyte,
vnneþe hit dures al a day;
Line 4
Þei beo so sliper [cliper, Wright, and in l. 79, p. 721.] at assai,
So leof to han, and loþ to lete,
And so fikel in heore fai,
Þat selden I-seiȝe Is sone forȝete.
Line 8
(2)
I sei hit not wiþ-outen a Cause,
And þerfore takes riht good hede,
