I hope we schal boþe seye and sene
Þat we han contraried him al to long.
Line 28
And þerfore, lordes boþe stout and strong
Þat may deeme her riht as þé lest,
ffor Godes loue wis þou so among,
Þat trouþe be meyntened for þe best.
Line 32
(5)
And þerfore haue þis in ȝour muynde,
Hose medleþ wiþ þe lawe:
Let neuer falshed aȝeynes vnkuynde
ffordon trouþe ne soþ sawe.
Line 36
ffor falshed euermore schal stonde awe
On trouþe þauȝ he be neuer so prest.
ffor godes loue let neuer gold þe drawe
Aȝeynes trouþe þat euer is best.
Line 40
(6)
Wolde we rule us al wiþ trouþe,
And mak him hollych vr gouernour,
We schulde keuere out of synne & slouþe,
And of Chiualrye bere þe flour:
Line 44
ffor trouþe in were may most endour,
And euer is biggest at þe lest.
ffor godes loue, graunt we him socour,
And mayntene trouþe þat euer is best.
Line 48
(7)
Trouþe was sum tyme here a lord;
wiþ him alle vertues, as I wene;
Ȝit Spayne, Brutayne wol bere record,
And oþer diuerse londes be-dene,
Line 52
Þat we endouwed hem as þei schulde bene,
And made hem lordes to lyue in rest:
Þer dorste no falshede with hem be sene,
So loued þei trouþe, þat euer is best.
Line 56
(8)
Wolde we ȝit lete trouþe aȝeyn
Be lord, and bere his heritage,
Al oþer londes schuld be ful fayn
To don vs feute and homage:
Line 60
