Nor with no-maner wrong getyng,
Þi self, þi seruaunt, child ne wyf;
Line 60
To sulle & buye ȝif þou be ryf,
Wayte al-way þat wrong be went;
As þou wolt lyue þe lastyng lyf,
Þou kepe wel cristes comaundement.
Line 64
(9)
¶ ffals witnesse loke þow non bere, [folio 408b:2]
Ȝif þow wolt in blisse a-byde,
Þi neiȝebore wityngly to dere,
Ne no mon nouþer in no syde;
Line 68
But loke þat no mon be anuyȝed,
And þou may him from harmes hent,
And help þat falshede beo distruiet,
And kep wel cristes comaundement.
Line 72
(10)
¶ Sunge þou not in lecherie;
Such lust vn-leueful, let hit pas;
Consente þou not to such folye,
Þat founden is so foul trespas,
Line 76
And loke þat nouþer more ne las
Þi lykyng on þat lust be lent,
Leste þou synge þis songe 'allas,
ffor brekyng of cristes comaundement.'
Line 80
(11)
¶ Þi neiȝhebors wyf coueyte þou nouȝt
Vnleuefully aȝeynes þe lawe,
Wiþ hire to sunge in word ne þouȝt,
And from þat deede euer þou þe drawe,
Line 84
And neuer sey to hire no sawe
To make hire to synne assent,
Ne plese hire not with no mis-plawe,
But kep wel cristes comaundement.
Line 88
(12)
¶ Þi neiȝhebors hous, wenche ne knaue,
Vnskilfully coueyte þou nouht,
Ne ȝit his good with wrong to haue;
ffor hit lest þou to bale be brouht.
Line 92
ffor whon þe soþe schal vp be souht,
Ȝif þou in-to þis sunnes assent,
