To þis purpos onswere .I. schal,
Whi god sent such men boote & belde;
Line 104
Crist, þat Made boþe flour & felde,
Let suche men lyue, forsoþe to say,
Whon a ȝong mon on hem bi-helde,
Scholde seo þe schap of ȝesterday.
Line 108
(10)
¶ A noþur skile þer is, for whi
Þat God let such men liue so longe:
ffor þei beþ treacle and remedi
ffor synful men þat han do wronge.
Line 112
In hem þe seuen dedes of Merci
A Mon may fulfille a-monge;
And also þis proude men may þer-bi
A feir Mirour vnderfonge.
Line 116
ffor þer nis non so stif ne stronge,
Ne no ladi [so] stout ne gay,
Bi-hold what ouer hor hed con honge,
And sum tyme þenk on ȝusterday.
Line 120
(11)
¶ I. haue wist, sin I. cuþe meen,
Þat children haþ bi candel liht
Heor schadewe on þe wal i-sen,
And Ronne þer-after al þe niht;
Line 124
Bisy a-boute þei han ben
To cacchen hit wiþ al heore miht,
And whon þei cacchen hit, best wolde wene,
Sannest hit schet out of heor siht;
Line 128
Þe schadewe cacchen þei ne miht,
ffor no lynes þat þei couþe lay.
Þis schadewe .I. may likne a-riht
To þis world and ȝusterday.
Line 132
(12)
¶ In-to þis world whon we beþ brouȝt,
We schul be tempt to couetyse,
And al þi wit schal be þorw-souȝt
To more good þen þou may suffyse.
Line 136
Whon þou þenkest best in þi þouȝt
On Richesse, fo[r]te regne and ryse,
