Heuene-blisse þou schal haue þenne,
ffor vche mon ouȝte him self to knowe.
Line 72
(7)
¶ Knowe þi flesch, þat wol rote;
ffor certes, þou maiȝt not longe endure;
And nedes dye, hennes þou mote,
Þei þou haue kyngdam [MS. kyngdan] and Empyre.
Line 76
And sone þou schalt beo forgote;
So schal souereyn, so schal syre.
Hose leeueþ not þis, I. trouwe he dote,
ffor eueri mok most in-to myre.
Line 80
Preye we to god vr soules enspire,
Or we ben logged in erþe lowe,
Heuene to haue to vr huire;
ffor vche mon ouȝte him-self to knowe.
Line 84
(8)
¶ Knowe þi kuynde Creatoure,
Knowe what he for þe dide;
Knowe þis worldly honoure,
Hou sone þat hit is forþ .I.-slyde.
Line 88
Ende of Ioye Is her doloure;
Strengþe stont vs in no stide,
But longyng & beoing in laboure;
Vr Bost, vr Brag is sone ouerbide.
Line 92
Arthur and Ector þat we dredde,
Deth haþ leid hem wonderly lowe.
Amende þe, Mon, euene forþ mide,
ffor vche mon ouȝte him-self to knowe.
Line 96
(9)
¶ Þi Concience schal þe saue and deme
Wheþer þat þou beo ille or good;
Grope aboute, and tak good ȝeme,
Þer maiȝt þou wite, but þou beo wood,
Line 100
Þer schalt þou þe same seone.
Aske Merci wiþ Mylde mood,
AMende þe, þou wot what .I. mene.
Vche creatur þat beres bon and blood,
Line 104
Preye we to god þat dyed on Rode,
Ar vre breþ beo out .I.-blowe,
