ffor nede.
Line 295
Lat twinne hem in two,
For now wakneþ heor wo;
Þei schal graunte, ar þei go,
Al heore falshede."
Line 299
(24)
¶ Þei diseuered hem sone, and sette hem sere;
Line 300
And sodeynly askede, þei brouȝt in-to þe sale;
Bi-fore þis ȝonge prophete þis preost gon apere,
And he him apeched sone with chekes wel pale,
Line 303
"Þou hast I-be presedent, þe peple to steere;
Þou dotest nou on þin olde tos in þe dismale.
Now schal þi conscience be knowen, þat euer was vnclere;
Þou hast in babiloygne on benche brewed muche bale,
Wel bolde.
Line 308
Nou schal ȝor synnes be seene,
Of ffals domes bi-deene,
ffor þeose In Babiloyne han bene
Iugget of Olde.
Line 312
(25)
¶ Þou seidest þou seȝe Susanne sinned in þi siht.
Line 313
Tel nou me trewly, vnder what tre?"
"Mon, bi þe muche god, þat most is of miht,
Vndur a Cyne, soþli my-seluen I hir se."
Line 316
"Nou þou lyest in þin hed, bi heuen vppon hiht!
An Angel with a naked swerd þe neiȝes wel nere;
He haþ brandist his brond brennynde so briȝt,
To Marke þi middel at a Mase in more þen in þre,
No lese. [folio 317b:2]
Line 321
Þou Brak godes Comaundement,
To sle such an Innocent
Wiþ eny fals Iuggement
Vn-duweliche on dese."
Line 325
(26)
¶ Nou is þis domus-mon with-drawen with-outen eni drede,
And put in-to prison aȝeyn in-to place.
Þei brouȝten þe toþur forþ, whom þe barn bede,
To-fore þe folk and þe faunt freli of face:
Line 329
