(18)
¶ Whon we þat semblaunt seiȝ, we siked wel sare, [[alterd from sore]]
ffor sert of hir souureyn, and for hir owne sake;
Vr copus weore cumberous, and cundelet vs care,
But ȝit we trinet a trot, þat traytur [to] take.
Line 225
He was borlich and bigge, bold as a bare,
More miȝti mon þen we, his Maistris to Make.
To þe ȝate ȝaply þei ȝeoden wel ȝare,
And he lift vp þe lach, and leop ouer þe lake,
Line 229
Þat ȝouthe.
Line 230
Heo ne schunte for no schame,
But bouwed aftur for blame.
Heo nolde cuyþe vs his name,
ffor craft þat we couþe."
Line 234
(19)
¶ Nou heo is dampned on deis, with deol þauȝ hir deu[e],
And hir domus men vnduwe do hir be with-drawen:
Loueliche heo louted, and lacched hir leue,
Line 237
At kynred and cosyn þat heo hed euere i-knawen, [[alterd from knowen]]
Heo asked Merci with mouþ in þis mischeue:
"I am sakeles of syn," heo seide in hir sawen;
"Grete god of his grace, ȝor gultus for-ȝiue, [folio 317b:1]
Þat doþ me derfliche be ded and don out of dawen
Wiþ dere.
Line 243
Wolde god þat I miht
Speke wiþ Ioachim a niht,
And siþen to deþ me be diht,
I charge hit not a pere."
Line 247
(20)
¶ Heo fel doun flat in þe flore, hir feere whon heo fond,
Carped to him kyndeli, as heo ful wel couþe:
Line 249
"I-wis I wraþþed þe neuere, at my witand,
Neiþer in word ne in werk, in elde ne in ȝouþe,"
Heo keuered vp-on hir kneos, and cussed his hand,
"ffor I am dampned, I ne dar disparage þi mouþ."
Was neuer more serwful segge, bi se nor bi sande,
Line 254
Ne neuer a soriore siht, bi norþ ne bi souþ,
Þo þare.
Line 256
Þei toke þe ffeteres of hire feete,
