And whon þei seiȝ Susan, semelich of hewe,
Þei weor so set vppon hire, miȝt þei not sese,
Þei wolde enchaunte þat child, hou schold heo eschewe;
And þus þis cherlus vnchaste, in chaumbre hir chese Wiþ chere.
Line 48
Wiþ two Maidenes al on,
Semelyche Suson,
On dayes in þe merion,
Of Murþes wol here.
Line 52
(5)
¶ Whon þeos perlous prestes perceyued hire play,
Line 53
Þo þouȝte þe wrecches to bewile þat worly in wone;
Heore wittes wel wai-wordus þei wrethen awai,
And turned fro his teching, þat teeld is in trone.
Line 56
ffor siht of here souerayn, soþli to say,
Heore hor heuedus fro heuene þei hid apon one;
Þei cauȝt, for heor couetyse, þe cursyng of kai;
ffor riȝtwys Iugement recordet þei none,
Line 60
Þey two.
Line 61
Euery day bi day,
In þe Pomeri þei play,
Whiles þei mihte Susan assay,
To worchen hire wo.
Line 65
(6)
¶ In þe seson of somere, with Sibelle and Ione,
Line 66
Heo greiþed hire til hire gardin, þat growed so grene;
Þer lyndes and lorers were lent vpon lone,
Þe sauyne and sypres, selcouþ to sene,
Line 69
Þe palme and þe poplere, þe pirie, þe plone,
Þe Iunipere ientel, Ionyng bi-twene,
Þe rose ragged on rys, richest on Rone,
I-þeuwed with þe þorn, trinaunt to sene,
Line 73
So tiht.
Line 74
Þer weore Pope-iayes prest,
Nightyngales vppon nest,
Bliþest Briddes o þe best,
In Blossoms so briht.
Line 78
