Þat day,
Line 9
Wiþ-Inne þe sercle of sees
Of Erberi, and Alees,
Of alle Maner of trees
Soþely to say.
Line 13
(2)
¶ He hed a wif hiȝt Susan, was sotil and sage;
Line 14
Heo was Elches douȝtur, eldest and eyre,
Louelich & liliewhit, on of þat lynage,
Of alle fason of foode, frelich and feire;
Line 17
Þei lerned hire lettrure of þat langage,
Þe Maundement of Moises þei marked to þat may,
To þe Mount of Synai þat went in Message
Þat þe Trinite bi-tok of tables a peire
Line 21
To Rede.
Line 22
Þus þei lerne hire þe lawe,
Cleer Clergye to knawe;
To God stod hire gret awe,
Þat wlonkest in weede.
Line 26
(3)
¶ He hedde an orchard newe, þat neiȝed wel nere,
Line 27
Þer Iewus with Ioachim priueliche gon playe,
For he real & riche, of rentes euer þere,
Honest and auenaunt, and honorablest aye,
Line 30
I-wis þer haunted til her hous, hende, ȝe mai here,
Two demers [[MS. do|mus]] of þat lawe, þat dredde were þat day,
Preostes and presidens, preised als peere,
Of whom vr souerein lord sawes gan say,
Line 34
And tolde
Line 35
How heor wikkednes comes,
Of þe wrongwys domes
Þat þei haue gyue to gomes,
Þis Iuges of olde.
Line 39
(4)
¶ Þus þis dredful demers on daies þider drewe,
Line 40
Al for gentrise and Ioye of þat Iuwesse,
To go in his gardeyn, þat gayliche grewe:
To fonge flourus and fruit, þouȝt þei no fresse;
Line 43
