At þe parlement wol I bene,
On domes-day prestly a-pere,
Whon Ihesu schal seye riht þere,
Line 460
'Trewely, vppon þe Roode tre,
Mon, I dyede for þe.
Mon, what hastou don for me
To beon my frendly feere?'
Line 464
(37)
At þe parlement, shul putten vp pleynyng,
Line 465
Hou Maydenes fruit on me gan sterue,
Spere & spounge and sharp nayling
Þorw þe harde hat þe heued shal kerue,
Shul preie to þat rihtful kyng;
Line 469
Vche mon schal haue as þei a-serue;
Rihtful schul ryse to riche restyng,
Truyt and tripet to helle shal sterue.
Mayden, Meoke and Mylde,
Line 473
God haþ taken in þe his fleschly trene;
I bar þi fruit leoþi and lene;
Hit is riht þe Roode helpe to a-rene
Wrecches þat wraþþe þi chylde."
Line 477
(38)
ÞE queen a-cordet wiþ þe cros, [folio 316b:3]
Line 478
And aȝeyn him spak no more speche.
Þe queen ȝaf þe Cros a cos;
Þe ladi of loue, loue gan seche,
Þeiȝ hire fruit on him were diȝt to dros,
Line 482
Whon rendyng ropus gan him reche.
Cristes cros haþ kept vs from los,
Maries preyers, And God, vr leche,
Þe qween and þe Cros acorde.
Line 486
Þe qween bar furst, þe cros afturward,
To fecche folk from helleward,
On holy stayers to steyen vpward,
And regne wiþ God vr lorde.
Line 490
(39)
ÞE Clerk þat fourmed þis figour,
Line 491
Of Maries wo to wite som,
