ffor he was euere in reste and Ro,
Ioyned in his Ioyes wyde.
I serwed sore for to sei so;
Line 352
I say whon þat my derlyng dide;
Wiþ duntes he was to deþe i-do;
Vp-on a tre his bodi was soyled.
Whon trouþe is told and darted,
Line 356
Of alle Ioyes God is welle,
Þer mihte no serwe in him dwelle,
I serwed sore, as Clerkes telle;
Mi pyne was not departed.
Line 360
(29)
ÞE hattore loue, þe caldore care,
Line 361
Whon frendes fynde heore fruit defoyled;
Þe dispitous Iewes nolde not spare
Til trie fruit weore tore and toyled.
Neuer Mayden Mournede mare;
Line 365
I sauh my child ben surded and soyled,
Myn herte to-clef wiþ swerd of care;
I sauȝ my brid with blod bem [[MS. ben]] -oyled.
As Symeon seide beo-forn,
Line 369
Þe swerde of serwe, scharp I-grounde,
Schulde ȝiue myn herte a wounde:
In more wo þen I was bounde,
Neuere buirde haþ born.
Line 373
(30)
Þe dede worþily gan wake;
Line 374
Þe dai turned to nihtes donne;
Þe Merke Mone gan Mournyng make; [folio 316b:2]
Þe lyht out leop of þe sonne;
Þe temple walles gan chiuere & schake;
Line 378
Veiles in þe temple, a-two þei sponne.
Cros! whi noldestou not crake,
Whon rihtful blod on þe was ronne,
And kuyndes losten heore kende?
Line 382
Whon my fruit on þe was fast,
Cros! whi weore þou not agast?
Þow stod stif as eny mast,
Whon lyf left vp his ende.
Line 386
