Þe lomb haþ leid þe Lyoun a-doun;
Þe lomb is lord in eueri toun,
So cristes blod haþ pleted.
Line 282
(23)
In holy writ þis tale is herde,
Line 283
Þat goode ȝiftes god vs ȝaf.
God seiþ himself he is schepherde;
And vche an heerde bi-houeþ a staf:
Þe Cros I calle þe heerdes ȝerde;
Line 287
Þer-wiþ, þe deuel, a dunt he ȝaf,
And wiþ þe ȝerde, þe wolf he werde;
Wiþ duntes drof him al to draf.
Þe Cros þis tale tolde,
Line 291
Þat he was staf in þe heerdes hond;
Whon schep breken out of heore bond,
Þe wolf he wered out of lond,
Þat deuoured cristes folde."
Line 295
(24)
Ȝit seide þe Meke Marie:
Line 296
"Roode! þou reendest my Rose al red,
Þreo Iewes coomen from Caluari
Þat day þat Ihesu þoled ded;
Alle þei seiden þei weore sori;
Line 300
ffor-dolled in a dronknyng dred,
Þei tolden hem alle wherfore and whi
Heore hertes were colde as lumpyng led;
Þe furste heore tale tolde:
Line 304
'Whon crist was knit with corde on a stok,
His bodi bledde aȝein þat blok;
[folio 316b:1] Þorw feet and hondes nayles gan knok,
Þen gan myn herte to colde.'
Line 308
(25)
Þe Secounde seide: 'nay, not þat!
Line 309
Þat dude serwe in-to myn herte schete,
But whon þe Roode ros, & doun was squat,
Þe nayles renten him hondes and feete;
Þorw-out his helm, þe harde hat,
Line 313
Þe þornes, in-to his flesch gan crepe;
