(20)
Sin monnes sone was so nedi
Line 244
To beo lad wiþ lomb[e] mylde,
Whi weore gylours so gredi
ffor to defoule my faire childe?
Cros! whi weore þou so redi
Line 248
To rende my fruit feor in fylde?"
"Ladi, to make þe deuel dredi,
God schop me a scheld, schame to schilde,
Til lomb of loue dyede,
Line 252
And on me ȝeld þe gost wiþ vois.
I was chose a Relik chois;
Þe signe of Ihesu cristes crois,
Þer dar no deuel abyde.
Line 256
(21)
Moni folk I fende from heore fos,—
Line 257
Cristes Cros þis sawes seide:—
Heuene ȝates weore closed clos,
Til þe lomb of loue dyede;
Þis is write in tixt and glos;
Line 261
After Cristes deþ, prophetes preide
Til þe lomb of loue dyed and ros,
In helle pyne, monkynde was teyde.
At houre of his none,
Line 265
Þe lomb of loue seyde his þouȝt:
Nou is folfuld, þat wel is wrouȝt;
A mon is out of bondes brouȝt,
And heuene dores vndone.
Line 269
(22)
Wiþ þe ffader þat al schal folfille,
Line 270
His sone to heuene is an help;
I was piler, and stod ful stille;
After oþur ȝiftes now gostes ȝelp.
Þe fend þat al þis world wolde kille,
Line 274
His swerd he pulte vp in his kelp;
To helle he horlede from þat hille,
Beerynge as a Beore whelp.
A beore is bounden and beted,
Line 278
Cristes Cros haþ craked his croun;
