I bere a Brugge, wei to teche,
Þer semely Aungeles sitte and synge.
Lord of loue and lyues leche,
Line 209
ffor þe was set sely sacrynge;
To winne þe world þat was in wreche,
Þe cros was brede, pardoun to bringe.
Pardoun In book is billed:
Line 213
What is pardoun, vppon to minne?
Hit is forȝiuenes of dedly sinne:
Whon blod was writen on cristes kinne,
Pardoun was fulfilled."
Line 217
(18)
Oure ladi seide, "Cros! of þi werk,
Line 218
Wonder þe not, þeiȝ I be wroþe.
Þus seide Poule, Cristes clerk:
Þe feolle Iewes, wiþ false oþe,
Iewes ston-hard in sinnes merk,
Line 222
Beoten a lomb wiþ-outen loþe,
Softer þen watur vndur serk,
Meode or Milk [i-]medled boþe.
Þe Iewes weoren harde stones:
Line 226
Softur þen watur or eny licour,
Or dewȝ þat liþ on þe lilie flour,
Was cristes bodi, in blod colour:
Þe Iewes wolden ha broken his bones.
Line 230
(19)
And mony a prophete gan make mon,
Line 231
And seide: lord! send us þi lomb
Out of þe wildernesses ston,
To fende vs from þe lyon cromp
Of mylde mount of Syon;
Line 235
Be-com mon In a Maydens womb,
Made a bodi wiþ blessed bon,
In a Maidens blod þi bodi flomb;
At Barreres weore debate: [folio 316:3]
Line 239
Þorwȝ stones In þe wildernes,
Men miȝte better ha crepet I-wis,
Þen bored in-to heuene blis,
Til blod brac vp þe ȝate.
Line 243
