Ich holde þe more þane wod,
Ȝif [þou] letest so muche guod
Þe feond habbe al for nouȝht.
Line 66
Man, beo þou i-war and eke wys:
Ȝif þou doun fallest, sone aris,
Ne lie þou none stounde.
Line 69
With al þi miȝht ȝif þou dost þis,
Þi soule þe seyth, and soth it is,
Þat blisse þou hast i-founde.
Line 72
Man, þou hauest þreo wicke fon.
Heore names i can nemme echon,
Ȝif ich schal tellen hem alle:
Line 75
Þin owene flechs, þe world, þe feond.
And he þat best scholde beo þi freond,
Maketh þe raþest doun falle.
Line 78
Þou cloþest him with fair[e] schroud,
Þou makest þi fo fat and proud,
To fyȝhte þe a-ȝein;
Line 81
Þou dost þi-sulf wel muche wronk:
Þou makest þi fo fat and strong,
Ȝif ich it dorste seyen.
Line 84
