Þi fleschs schal melte fram þe bon,
Þi senues sundriez euerech-on,
Þi bodi schal al to-sie.
Line 15
Ȝe þat wollez þe soþe i-seo,
Vndoz þe burieles þare hi beoz,
And lokiez ȝwat þare lie.
Line 18
Man, þu art a feble fom;
Here nast þou no siker hom,
I segge it þe wel stille.
Line 21
Þi riȝhte hom is elles-ȝwer—
Ihesus us graunti to come þer,
Ȝwan it is his wille.
Line 24
Þi flesch stant a-ȝein þi gost;
Ȝwanne þu schalt deiȝe, þu it nost,
Noþur day ne nyȝht.
Line 27
Nedescostes þou most deiȝe,
Ne may no raunchoun þe fur-buye—
Striue þe ȝwile þou miȝht!
Line 30
