[From here MS. Vernon differs from the other MSS.] Of þe furste fo so fel
Muche wonder hit is to tel,
Hose schulde riht be-gynne:
Line 81
Þat such a foul stinkynde sek
Haþ such a burþen in his nek
Of serwe and of synne.
Line 84
Þis Careyn þat þou berest a-bouten,
So vyl wiþ-Innen and wiþ-outen,
A luytel wormes mete;
Line 87
Euer þe bet þat þou him do,
Siker be þou, euer-mo
Þe worse he wol þe gete.
Line 90
And ȝif þou þenke her-vppon
Hou vyl a vessel hit is on,
ffor al þe metes and drynkes,
Line 93
Hou hit schal foulore smelle & smake
Þen eny careyne þat is forsake
Of best þat breþe stinkes.
Line 96
ffor hose bi-heolde þi bodi ariht
After þi deþ a fourtene niht,
Neore he þi frend neuer so good,
Line 99
Þat he nolde hiȝen him away
And þynken seuen ȝer of a day
Þat he bi þe stod.—
Line 102
Þyn oþer fo Is a wonder þing,
Þis world, wiþ diuerse fondyng
Tempteþ þe more & more;
Line 105
