Ac I þe holde for wylde and wood,
Ȝif þou ȝiue so muchel good
To þe ffeond for nouht.
Line 66
Mon, þou hast þreo luþer fon,
Heore nomes con I wel vchon
Ȝif I schal touchen alle:
Line 69
Þyn oune flesch, þe world, þe fend.
Ac he þat schulde best be þi frend
Doþ þe raþest to falle,
Line 72
And þat is þi flesch, þi furste fo,
Þat þou pamprest and seruest so,
Ȝif ich hit dorste seyen.
Line 75
Þou dost þi soule muche wrong,
Whon þou makest his fo so strong
To fihten him aȝeyn.
Line 78
