Ihesu, for þi miht and grace
A-bate vr synnes In vch a place,
Þi pes mot on vs falle."
Line 600
Whon he haþ vsed, he walkeþ riht
To Lauatorie þer hit is diht,
ffor to wassche his hende.
Line 603
So gostly he comes a-geyn,
Vn-to god for to preyen
Sum special grace hym sende,
Line 606
ffor al þe folk þat þer wore
Whuch þat he haþ preyed fore
Þat a Masse may mende.
Line 609
Þen to knele hit is best,
Til hit cum to Ite Missa est
Be seid in to þe ende.
Line 612
Þenne schul ȝe knele a-doun
And sei a luytel Orisoun
Riht on þis Maneere—
Line 615
Þe Orisoun is of seynt Ambrose,
Þat he properly in prose
Made in his preyere;
Line 618
Þen to preye is ful good tyme.
I con not wonder wel ryme
On latin ȝou to lere,
Line 621
But noþeles I wol assay
As neiȝ þe text as euer I may—
Herkne and ȝe may heere.
Line 624
"God þat diȝed vppon þe tre,
Þat þe prest receyuede bodile
Vppon þe Auter-ston,
Line 627
Graunt vs grace, whon we hennes go,
Þat we may worþily don al so,
In vre concience al-on.
Line 630
After vr dedes & we be demed,
ffrom his blisse we schal be flemed,
Out of þat worþli won.
Line 633
God graunt vs grace In wille & word
We may be worþi to his bord,
Vr lord leue vs þat lon."
Line 636
