So fareþ þer vnderstondyng fayles,
Þe verrey vertu ȝow alle a-vayles
Þorw grace þat god ȝow grauntes.
Line 444
Whon þe gospel is I-don,
Ȝit wolde I, gode men euerichon,
Þat ȝe couþe ȝor crede;
Line 447
What tyme þat þe prest say
Þat ȝe miȝte ȝor-self pray,
fforsoþe hit were gret nede;
Line 450
And seþþe trewely trouwe þer-Inne,
And fulliche out of ȝor mouþ hit mynne,
Þer-to liht muche mede.
Line 453
And ȝif ȝe trowe and wol not telle,
So dude þe fend þat from heuene felle,
And doþ hit nouht in dede,
Line 456
Þouȝ þou neuere so trewely trowe,
Wiþ-oute dede ful luytel hit douwe,
So doþ þe deuel þat dredes.
Line 459
But seynt Iacob, Iosepes broþer,
Seiþ þat we schal don non oþer,
In his pistel whose redes.
Line 462
Such þing as þou seyst and doos,
Þi Neiȝebor wol þerof make Roos
What lyf þat þow lede.
Line 465
Wiþ-In a storie in þat stede
He seiþ þat trouþe is but dede
But hit be don in dede.
Line 468
Ȝit beo þer mo men lyuing in lede
Þat I wolde couþe heore crede,
And whon þei couþe ken hit.
Line 471
I haue I-seid as I con:
Ȝif þer beo euer eny mon
Þat seiþ he con a-mende hit,
Line 474
ffaute þer-Inne ȝif þat he fynde,
Mak no scornynge me be-hynde
But aȝeyn to me he sende hit, [folio 303b:1]
Line 477
Or elles help þat I may here hit.
Þus an Englisch as I lernde hit
I haue I-þouht to ende hit. [The Engl. text is, however, omitted.] . . . . .
Line 480
