Rihtwysnes wolde, assone
As we dedly synne haue done,
To dampne vs to þe dede:
Line 54
Þen most Merci be Mayster most
Þorw þe miht of þe holy gost,
And stonde wiþ vs in stede;
Line 57
And lenge wiþ vs in leo and lede,
Til we beo don out of þat dede
Þorw bone of holy bede.
Line 60
Wiþ ȝor leue, I wol be-gynne
Of a Mater for to mynne,
A good þing for to make,
Line 63
On þe hexte þing hit is
Þat euer was mad: þat is þe Mes,
Monnes sunnes to slake.
Line 66
Eueri day þou maiȝt se
Þe same bodi þat diȝed for þe,
Tent ȝif þou wolt take,
Line 69
In figure and in fourme of Bred,
Þat Ihesu dalte, er he weore ded,
ffor his disciples sake.
Line 72
On þe hexte þing to here,
And þe lihtest for to lere,
ffor lewed men In lare,
Line 75
Hou þat ȝe schul ȝor seruise say,
And priueliche ȝor preyers pray, [folio 302b:2]
In churche whon þat ȝe are.
Line 78
I do ow wel to witen wiþ-outen drede,
Þe Masse was mad for monnes nede,
ffor al folk lasse and mare.
Line 81
As þe prest seiþ his preyere,
So schulde vche mon þat him gon here,
And þei wuste what hit ware.
Line 84
Ȝif I seide þis word wiþ my wit,
Wiþ-outen witnesse of holi writ
Wisdam weore hit non;
Line 87
Þerfore I wole þat ȝe hit witen,
Hou þat we fynde hit writen
Wiþ Auctours mony on.
Line 90
