He was wonynge I þe Ryk,
At Roome was called.
Line 308
Þe pope ȝaf him pouste—
Þat mony mon mihte se—
Penitauncer for to be
Of ȝonge and of olde,
Line 312
Seþþe to soyle and to schriue
Boþe to Mon and to [MS. two] wyue,
Eke to mende heore lyue
And to þe trouþe holde.
Line 316
Þenne tok þei þe Ieuȝ,
Anon cristend hym neuȝ;
Þus to vre God he hym kneuȝ
And ȝeply him ȝolde.
Line 320
[XLVII. How to hear Mass. [So the title in Index. The poem was ed. before by Canon Simmons in "The Lay Folks' Mass Book," 1879, E. E. T. S., p. 128 ff. (His sidenotes are reprinted here.) It is a free Mid|land version of Dan Jeremy's Massbook for Laymen, a northern translation of which was ed., from 4 MSS., by Simmons, l. c. The liturgical prayers are mostly omitted in MS. Vernon, either because prayers of that kind were given before in MS. Vernon, or because the uses were different in different churches.] ]
Her techeþ þys tretys þenne [folio 302b:1]
Hou mon scholde here hys masse;
Hit is ful nedful to alle menne,
To more and eke to lasse.
Ȝong & olde, More and lasse,
fful god hit is to here a Masse,
Þat Cristendam haþ tan.
Line 3
Hit was mad for soule-hele,
Þe Pater noster wiþ bedes [MS. dedes] fele,
And de profundis Is on.
Line 6
Þe Pater noster Is pris preyere,
Wiþ oþer orisons mony and sere.
Holdeþ ow stille as ston:
Line 9
And ȝe schul here þe beste þing
Þat euer ȝe herde of Olde or ȝyng
As wyde as mon haþ gon.
Line 12
