Crafti Men in heore degre.
Eiþer, Maister wolde be,
ffoondeþ ȝif þei may.
Line 12
Þus þei desputed so faste,
While þe day mihte [MS. mihti] laste,
Nouþer oþer couþe caste,
Beo Rihtwys lay.
Line 16
(2)
Þe ton was of Engelonde,
A Cristene Mon, Ich vnderstonde;
He hedde I-souht ouer þe sonde,
Wondres to se;
Line 20
He hedde I-lernd of Clergys,
As Men doþ þat beoþ wys:
Þe mon þat most is of prys,
Maister moste be.
Line 24
Þe toþer was A Ieuȝ riht,
A Mon muchel of his miht;
To his trouþe hedde he tiht,
Trewe as þe tre:—
Line 28
Þat wol I apertly preue:
Þulke lay þat he on leeue,
ffor no gold þat [me] mihte him ȝeue,
Chaunge wolde not he.
Line 32
(3)
Þe Cristene Mon seide as he þouȝt:
"Lo, ȝonde vr god þat vs bouȝt!
Oþer trouwe þou hit nouȝt,
Bi daye nor bi niht?
Line 36
Certeynliche, ȝonde is he
Þat for vs diȝede on þe tre,
And also bouwed him to be
In A Buyrde Briht,
Line 40
As heo wemles was,
Seþþe cler as þe glas;
Bi-twene Oxe and an As
I-bore was þat kniht,
Line 44
At þe ȝol ful ȝare,
Al for vr wel-fare.
