Ȝif I fleo, he wol me seche,
And wiþ loue he wole me tille.
Line 32
(5)
Þeroute al-þauh he stonde
Callynge at my ȝate
Til him frese fot and honde,
ffaste vn-to a stake,
Line 36
He ne takeþ staf ne wonde
Wiþ wraþþe me for to wake;
Mi loue him byndeþ as bonde,
Ȝif I him murþes make.
Line 40
(6)
He wol me loueliche a-byde
Al-þauh I dwelle ful longe,
He wol me no-þing be-chide
Al-þauȝ I-chaue þe wronge;
Line 44
He seiþ: "bi-hold my syde,
And whi on Rode Ich honge.
ffor my loue lef þi pride,
And I þe wole vnderfonge."
Line 48
(7)
Ihesu, þat art so hende,
So swete and so þolemood
ffrom þe whon so we weende:
Allas, þat we hit vnder- stod,
Line 52
And to þe couþe leende
And loue wiþ miht and mood,
To haue wiþ-outen ende
Heuene, þat is so good!
Line 56
(8)
Ihesu for me is herte
Let þurle þorw-out his syde,
And duntes þolede smerte
And woundes deope and wyde;
Line 60
Wo and al vnquerte
He þolede, to fordo pride,
Þe foule synne þat me gerte
In helle from him me hyde.
Line 64
