Hit is a-weyward In vche [MS. In vche in vch] a syde,
Whiles hit lasteþ, vnwrest & wouh—
Beo war and seo what wol be-tyde:
Hit wol to-dryue as lef on bouh.
Line 40
(6)
Þe loue þat wole to serwe wende,
Þou do hit al out of þi þouȝt:
And his loue in þin herte bynde
Þat haþ þi loue so deore a-bouȝt.
Line 44
ffor ȝif þou heddest al to þe ende
Heuene & eorþe þorwȝ-out souht,
To fynde a feere þat weore so hende
As he, I-wys hit weore for nouȝt.
Line 48
(7)
He is of Mood wel Meke and Mylde,
ffreo of herte, strong of miht,
Of glade chere, of wordes vn-wylde,
Of louesum leore and Eiȝen briht.
Line 52
Ȝif þou wolt do þe in his mylde
And him al-one loue ariht,
Wiþ-Inne þin herte wol he bylde
And wone wiþ þe, boþe day and niht.
Line 56
(8)
Wel more murþe is in his steuen
Þen herte may þenke or tonge neme;
As be þe swan þe blake Rauen,
Also be him þe sonne-gleme;
Line 60
No more is no þing to him I-lyche
Þen Galle is to þe hony-streme.
Of him is al þe Ioye of heuene-riche,
Þat wiþ his grace alle þing wol leme.
Line 64
(9)
Ȝif Mon be ded and he him Ryne, [= hrine, touch]
He reiseþ him to lyue anone—
ffor wele & wynne, serwe and pyne
Al is Buxom to him one.
Line 68
Ȝif þow him wole in herte wel tyne
And kepe, þat he not from þe gon,
