"Cum to me and haue my blis,
And I þe wole cluppe and cus.
Ich ȝiue þe al my-self, I-wis,
To do wiþ what þi wille is.
Line 72
"Ȝif þou hast ben fouled wiþ synne,
Torn aȝeyn to me and blynne:
And I þe ȝiue heuene-wynne—
So loþ me is þat we a-twynne."
Line 76
Now and nomeliche at myn endyng,
Swete Ihesu, heuene-kyng,
In þi wille ȝif me lykyng,
Wiþ studefast hope & hol louyng.
Line 80
Ihesu, þat art of gode forȝelde,
fforȝite me nouȝt in myn elde;
Ȝif me studefast hope and belde
To haue þe, lord, euer in my welde.
Line 84
Swete Ihesu, Lyon strong,
Þow þat neuere louedest wrong,
Chastise me wiþ myn owne wande
And let me neuere to helle gande. [for gange]
Line 88
Swete Ihesu, loþles lombe,
Þat swettor is þen hony-Combe,
And was boren of Marie wombe:
Þou bring vs to heuene on þi riȝt honde.
Line 92
Swete Ihesu, þe feireste wiht,
As þou art Rihtwysnesse and riht,
Ȝiue vs for þin holy miht
Alle comen to heuene briht. Amen.
Line 96
[XLII. Of Clene Maydenhod.] [Title in Index: Þat crist is called lemman to a clene soule. This poem was edited before by Furnivall, The Sta|cions of Rome, E. E. T. S. 1867.] Of clene Maydenhod, To be weddet clanly to god.
(1)
Off a trewe loue clene & derne
I-chaue I-write þe a Ron,
