Ihesu, loue þe dude to wepen, [H I. suete l. þe d. gredyn]
Loue þe dude [H made] þi [om. in H.] blod to sweten,
ffor loue þou were sore beten, [H y-b.]
Loue þe dude þi lyf to leten.
Line 136
[The whole next section, lines 137-192, is left out in H.] MArie, I prei þe, as þou art fre,
Of þi serwe parte wiþ me,
Þat I mowe serwe here wiþ þe
And partiner of þi blisse be.
Line 140
Ihesu, þi loue þou tauhtest me
Wiþ swete wordes of herte fre
Þat þou speek on Roode-tre—
So ful of loue ne mihte non be.
Line 144
Ihesu, þe furste word was, as I rede,
Þat þou þi deore ffader beede
Þat he forȝaf hem heore misdede,
Alle þat duden þe to dede.
Line 148
Ihesu, þat oþer was I-wis
Þat þou seidest, as writen is:
Þat þe þeef schulde haue blis
Wiþ þe þat day in paradis.
Line 152
Ihesu, þe þridde was of Mon:
Whon þi Mooder þe schulde forgon,
A Sone þou hire be-tauhtest on,
And seidest: "wommon, tak heer Ion!"
Line 156
Ihesu, as þou weore pyned more,
Þe ffeorþe word þou seydest þore:
"A," seydest þow, "me þursteþ sore"—
Hit was for hem þat dampned wore.
Line 160
Ihesu, þe ffyfþe word Reweþ me
Þat þow seidest on Roode-tre:
"Mi God, Mi God, hou may þis be
Þat þou hast al forsake me?"
Line 164
Ihesu, þe Sixte word hit was
Whon þou seidest "In manus tuas,"
Be-tauhtest þi ffader in þat plas
Þi soule, as his wille was.
Line 168
Ihesu, In al þi peyne mest
Neuere was so meke best—
