ffor sunnes and gult aȝeynes þe—
Swete Ihesu, for-ȝif hem me.
Line 64
Ihesu, whon þow streyned wore,
Þi peynes woxen more and more.
Þi Mooder euer wiþ þe was þore,
Wiþ serweful sikynges and wiþ sore.
Line 68
Ihesu, whi weore þou pyned so
Þat neuer wrouȝtest wrong ne wo?
Hit was for me, and moni mo,
Þat þou so harde were bi-go.
Line 72
Ihesu, what sauh þow on me
Of ouȝt þat neodful was to þe,
Þat þou so harde on Roode-tre
ffor me woldest pyned be?
Line 76
Ihesu, whi weore þou so gelous,
So feruent and so disirrous
To buggen wiþ pris so precious
Wrecche Mon so vicious?
Line 80
Ihesu, for vs þou henge [H for loue þou stehe] on Rode,
ffor loue þou ȝeeue [H seȝe] þin herte-blode;
Loue þe made [H þou madest] vre soule foode,
Þi loue vs brouhte to alle goode.
Line 84
Ihesu my lemmon, þou art so fre,
Þat al [om. in H] þou dedest [H deȝ|edest] for loue of me:
What [H Whet] schal I for þat [H þarefore] ȝeelde þe?
Þow kepest not but þe loue of me. [H Þar nys noht bote hit loue be,]
Line 88
Ihesu my god, my lord, [H ihesu] my kyng,
Þou askest [H ne askesd] me non oþer þyng
But trewe loue and herte longyng [H & eke seruyng]
And loue-teres and stille [H wiþ suete] mournyng.
Line 92
Ihesu my deore, my loue, my liht, [H I. my lyf, ihesu]
I wol þe louen, [H Ich loue þe] and þat is riht.
Do me þe louen [H loue þe] wiþ al my miht,
And after [H for] þe Mourne [H mournen] dai & niht!
Line 96
Ihesu, do me so loue [H seruen] þe
Þat my þouht ay on [H Þat euer mi þoht vpon] þe be;
