Ekys [MS. Ek ys] his ioye & confort when thai are mette,
And that sall ay last with-outen any lette.
Line 1228
Ȝit heuen & erth & all creatures
Sal be to mannes ioye, whiles hit endures.
All the sorow & paynes of hell ay-lastandly
Sall confort him that eschaped thaim thurgh mercy.
Thus sal man in heuen ay fynd ioye & leth,
Line 1233
Aboue him, with-Inne him, aboute & beneth.
Ay, sais seint austyn sothfastly,
Man suld forsake resonably
Line 1236
All the welthes of this warld euermore & ay,
ffor to haue the ioye of heuen only a day.
How mekil more then suld man ay forsake synne
While he lyued in erth, that blis for to wynne?
The godenes of god, the fairnes, the wysdam, the myȝt,
The ioye, the solace, the confort that ay is In his siȝt,
Passes all mannes mynd, vndirstanding & wit,
Bot if he may come to blis fully & clerly se hit.
Line 1244
Ther-for he that all creatures first made of noȝt
And with his awne hert-blode al mankynd boȝt,
Thurgh his grace & mercy graunt vs that ioye to se,
How thre persones are all on god in trinite.
Line 1248
Amen.
Here endes the myrour of lewed men.
A Munk made this myrour, only for lewed mennes sake.
Thou that will se saule-hele, this thi myrour thou take!
Thou that will se saule-hele, this thi myrour thou take!
