And haue sorow for his synne & taryyng of blis;
Line 929
ffor this is man blissed, & heuen sal be his;
This gift of cunnyng may noȝt ful longe be
With-outen gastly ioye & gret charite.
Line 932
The ferth gift is gastly strenght, that puttes away slouth
& to eschape all perils mas man to haue trouth;
Hit mas man to suffre wel, & long to bide riȝt,
& riȝt be done to god & man ȝerne with al his myȝt;
& who-so has this ȝernyng & hungres riȝtwisnes,
Line 937
Thai sal be ful-filled of hit & haue gret blissednes.
That fift gift is counsail, that fordos couetise
& in hegh thing & hard mas man of gode auyse;
Line 940
Hit mas man ay gode & benigne in alkyn thinge,
And rewles hym wele in warkes of mercy doyng;
& all that warkes of mercy dos deuoutely,
Are blissed of ihesu crist & ay sal haue mercy.
Line 944
The sext gift is vnderstanding, that glotery fordos
& stires to certayn [= make certain] trouth that him gastly behose,
& makes him of all synne clene in hert to be;
Suche men are blissid of crist, for thai sal god se.
Line 948
The seuent gift is wysdam, that fordos lecherie
& confortes man in Ioye of god & pes swetly,
And mas man to kepe & make pees with gret besines;
Siche are called goddes childer, & sal haue blissednes.
In suffring oght for riȝt standes the aghtend blis,
& who as euer suffres so, the rewme of heuen is his.
¶ Of antecristes commyng. [This passage is added.]
THat tyme when god wil suffre, before the [day] of dome
Line 955
To tempte & pursue cristen men anticrist sal come;
He sal be born in babiloyn of the kynd of dan
That sum tyme here in erth of Iacob childer was an;
He sal regne in Ierusalem & him-self [crist] call.
Line 959
Then many of ther wretched Iewes sal fast til him fall.
When he mas him god, his gode aungel sal him forsake,
Then the fend sal him enspire & hede of wikkednes make;
He sal feyne thurgh fendes craft nere al cristes meruailes,
