At Non þer þurlede Ihesus herte : Longius, a Blynd kniht;
Line 65
He wupte his Eiȝen wiþ his blod : Þorwh þat he hedde his siht.
Þe eorþe quok, þe stones clouen : Þe sonne les his liht,
Þe dede a-risen of heore graues : In tokene of godus miht
Line 68
Þat us on Rode bouhte.
Þe soules þat weren in helle : Ihesus sone out brouhte.
v. Crist, honoured mote þou be,
Þat bouȝtest al þe world on tre.
Line 72
or. Lord Ihesu, godus sone : Þat sunful mon wolt not tyne,
Bi-twene vr soules and þy dom : Puttest þe in hard pyne:
Þi cros, þi deþ nou and euere : And at vr endyng-tyme
Graunte liuynde men : Grace and Merci þyne;
Line 76
To þe dede, reste and pardoun;
To churche, pes, loue in londe : To [MS. Wiþ] sunful, contricioun.
v. Cristes passion, heuene kyng,
Bring us to blisse þat is wiþ-outen endyng.
Line 80
DE Cruce deponitur hora vespertina,
ffortitudo latuit in [MS. &] mente diuina.
Talem mortem subijt vite Medicina!
Heu, Corona glorie iacuit sub spyna.
v. Adoramus te, criste, & benedicimus tibi, Quia per crucem tuam redemisti mundum.
At Euensong Ihesus was taken : Doun of Rode-treo.
Marie bi-heold hire deore sone : ffor wepyng miht heo not seo;
Line 82
