Þe Seisyn hedde Adam þo
To wonen in blisse euere and O.
In Muche Murþe and Ioye he wes.
A-wei, to sone he hit for-les,
Line 188
His worschipe and his wel-fare,
Brouȝte vs alle in muche care!
Þo he of þe Appel eet,
Godes heste he to-brek;
Line 192
Þe kuyndeliche and þe set ek,
Boþe his lawen he to-brek,
And raþure he dude his wyues bode
Þen he heold þe heste of gode.
Line 196
Þus Adam þorw reuþful rage
Was cast out of his heritage,
And out of Paradys I-driue,
In swynk and swot in world to liue.
Line 200
Þe Blisse of lyf he haþ forsaken,
And to deolful deþ I-taken.
Carfuliche he haþ I-Coren!
Now he þorw riȝt haþ I-loren
Line 204
Þe Murþe þat he miȝte hauen,
Whom mai he to helpe crauen
Out of his heritage he is pult,
ffor synne and for his owne gult.
Line 208
[vv. 209-222 added to the Fr. (H. has same vv.)] Lucifer gon wel lyke þo
Þo Adam was bi-swiken so—
ffor alle þe ffendes hedden onde
Þat he scholde come to þat blisful londe
Line 212
Þat he hedde þorw pruide for-lore;
Wel hit likede hem þer-fore.
So muche wox heore miht þo
Line 215
Þat al þe world moste after hem go; [same vv., 1313-4.]
And whon mon hedde I-liued in care,
Atte last he moste dyen & forþ-fare—
Ne miȝte him helpe no good dede
Þat his soule moste [H. ne most] to helle neede;
Line 220
ffor so hit was to [MS. þo, H. to] Adam bi-speke,
And god nolde no forward breke.
ffor [H. ffull, Fr. Trop] eyle and hard and muche hit wes
Þe synne þat þus þe world for-les,
Line 224
