Þe hardiloker maiȝt þou abyde,
And go sech him be wei and strete,
Stint þou nouȝt til þou him mete,
Lei on faste, spare no-þing,
Line 388
To grounde sone þou him bryng,
Þat he þerfore grunte and grone;
And warne al oþere bi him one!
Þen may þi word springe ariht
Line 392
Þat þou art hardi mon and wiht;
Alle men of þe þenne schule be fert
Þat bifore wolde mis-seye þe in þi bert;
Þenne miȝt þou go boþe quit and sker
Line 396
Wher þou wolt, fer and neer."
ÞE goode mon wel vnderstood
Þat his counseil was not good.
Line 399
"Ȝif I be wroþ and sore agreued Wiþ eny Mon alyue,
Ich ouȝte seche pees of hym : fful hastiliche and blyue.
Mi Pater noster ne my crede : Ne myn Aue Marie biddynge,
Whyle ich am in wraþþe : Avayleþ me no-þhynge.
Ȝif Mon be wroþ, hym is þe wors : And þat on mony syde—
Line 404
Þat schul ȝe wite þat hit is soþ : Ȝif ȝe wolleþ abyde:
Wraþþe and vuel wordes : Old sore neweþ,
And makeþ to do þe dede : Þat eft ful sore reweþ.
Wraþþe is a wikked þing : Hit mengeþ þe herte blod
Line 408
And makeþ mon ofte out of wit : Þat he con no good,
He [r. Hit] makeþ mon ofte do þe dede : Þat eft torneþ to grame,
Bete Men and ofte sle : And do ful muche schame,
Line 411
Wounde men and berne men : Robben and to-reuen;
And euere are þei in serwe and wo : A-Morwen and at Euen.
Whon he is wel a-wreken : Aftur his wille,
Þen he is wel apayed : And goþ forþ wel stille,
He weneþ to here þer-of : No more tiþinge:
Line 416
Bote þe synne þer-after : Schal him to schome brynge;
Ne schal he him no-wyse : So wel him schilde, [r. hyde?]
Þat he (!) ne schal for þe synne : Sum schome be-tyde,
But hit beo þorw schrift : And þe prestes rede
Line 420
