Steih in to his riche : Þer Ioye schal neuer blynne,
Line 39
Of Bale þou beo my bote : And bring me out of synne.
LAdi, for þat Ioye : Þat þou to crist weore tan
In to þe blisse of heuene : Wiþ Aungeles moni an,
And set bi swete Ihesu crist : In ffel, in flesch and bon,
Þou bringe me to þat blisse : Þat neuer schal beo gon.
Line 44
LAdi ful of grace : Þat heiȝe sittest in trone,
Loue of alle blisse : Send þou me my bone :
Ihesus to louen and drede : My lyf to amenden sone,
And comen to him þat hende : Þat weldeþ Sonne and Mone.
Line 48
FOr þi Ioyes fyue : Ladi feir and briht,
ffor þi clene Maidenhod : And for þi muchele miht,
Þou ȝif me miht and grace : To come to þat liht,
Þer Ioye is euere newe : And day wiþ-outen niht.
Line 52
LAdi seinte Marie : Ȝif þi wille ware,
As þou art ful of Ioye : And I am ful of care,
Schild me from synne and schome : Þat I falle no mare,
And send me hosul and schrift : Ar I heþene fare.
Line 56
A. M. E. N.
[XIII. A confessioun of wyrschip in orysoun. [So the title in the Index.] ]
God þat al hast mad of nouht,
ffor loue of mon þat þou hast bouht;
Wher in þe world so þat i be,
Wiþ al myn herte I þonke þe:
Line 4
¶ Þat þou me madest on of þyne,
And bouhtest me wiþ bitter pyne.
I þonke þe, lord, wiþ good entent
Of wit and grace þou hast me sent.
Line 8
¶ Wiþ al myn herte and mylde moode
I þonke þe, lord, of alle gode.
I preye þe, lord, þou graunte me miht
Wiþ al myn herte to loue þe riht.
Line 12
¶ I preye þe, lord, out and Inne
Þat þou me schilde from dedly synne;
I preye þe, lord, þat þou me wisse
And bring me to þi muchele blisse. Amen.
Line 16
