To wrecches he draweþ, as alle men sen;
Line 188
Wel Men may seo alle bi þan
Þat neuer-more wol he beo man."
ÞE gode Mon vnderstod
Þat þat þe toþur seide was not good.
Line 192
"Do wei," he seide, "þi lore : Ne spek no more of pryde:
Hit doþ þe soule muche wo : And helpeþ þe bodi luyte.
Whon I þenke on þinges þre : Boþe niht and day
Pruide ne worldes blisse : Glade me ne may.
Line 196
ffurst, whon I beo-þenke me : And am wel I-ware
How I com in to þis world : Boþe naked and bare;
Nedde I to myn hed houue ne hod,
Ne Robe to my bac, badde ne good,
Line 200
But a foul red clout, þat I was boren In,
Þat tok I of my Moder, and was a foul skyn—
Al is soþ þat I seye, þeiȝ I speke in Rym—
Þei coruen hit of me & wosch awei mi slym.
Line 204
In to þis world þus com I wrecched & bare,
And so, wot I wel, I schal heþen fare.
Þei wounden me in cloutes, for cold & for schame,
ffor I ne scholde forfare, þei hulede mi licame.
Line 208
Al-Maner quik þing þat is þorw Godes miht,
Whon hit comeþ furst forþ, con him-self diht,
Haþ of him-self kyndeliche wede,
And con him-self purchase mete to his nede,
Line 212
And haþ þorw kynde miȝt for to gon,
Þer kynde of mon haþ riȝt non,
Bute vn-miȝti wrecches alle are we.
Hou scholde I be proud, whon I þis se?
Line 216
Þat oþur is, whon I þenke on Adam and Eue,
Hou þei weren in paradys wel & wiþ leue;
Þer wiþ-outen synne þei miȝte haue ben in blis,
Ȝif þei nedden agult aȝeyn god, i-wis;
Line 220
Þer þei miȝten han I-wonet in murþe & in wynne:
But sone þei were driuen out, for þei dide sinne.
And þerfore ha we muche wo, serwe & vuel-fare,
And wonen in þis middel-ert in serwe & in care.
Line 224
Weilawei & weilawo, þat synne was I-wrouȝt!
In muche peyne for sinne are mony men I-brouȝt;
