Aftur þat sayh he, þer he stod,
A wondur orible grisly flod,
Line 56
And in þat flod say he þere
Mony deueles bestes were:
As ffissches þei were in þat flod þo,
Todus, Neddres, Snakes, mony mo,
Line 60
And þe synful soules in hiȝ
Eten and gnowen wiþ-outen merci—
Of hem tok I [r. þei] no more kep
But as a Lyun doþ of a schep.
Line 64
Ouer þat watur he sayȝ ligge
A wondur long and an heiȝ brugge,
And ouer þat brugge saf goon þen
Þe soules of good rihtful men
Line 68
Wiþ-outen harm of word or dede,
And also wiþ-outen eny drede.
Þe soules of synne[r]s, as I þe telle,
ffallen doun þer, in pyne to dwelle,
Line 72
Þer to take and resseyue so
As þei on eorþe deserueden to.
Be war of þis, I sei, beo-fore,
As God seide in þe gospel þore:
Line 76
Ligate per fasciculos ad comburendum:
Byndeþ hem in knucchenus forþi,
To brenne, lyk to licchi,
Spous-brekers wiþ lechours,
Rauisschers wiþ rauisschours,
Line 80
Wikked wiþ wikked also,
ffor so schul þei to-gedere go.
ffor eueri creature go schal
Bi þat brugge sum or al,
Line 84
And lasse or more schal he be deruet,
Er aftur he haþ heer deseruet.
ÞEr sauh þe goode mon poule
In þat pyne moni diuerse soule:
Line 88
Summe to þe kne, and summe to þe hipes,
Summe to þe nauel, summe to þe lippes,
And summe he sauȝ bi-suyled as souwes
In þat pyne vp to þe brouwes;
Line 92
