Vche mon schal leeue þat riht
Þat helpen hit wolle as [hit] dude [F. þat holpe wyl be as was] þe kniht.
Line 816
Þis sacrament helpeþ not ȝit alone,
Bote þe offrynges euerichone,
Al þat we offre atte Mes,
Al to vre saluacion hit is.
Line 820
Not only forte saue þe dede, [F. þo þat dede beþ]
Þe quike hit saueþ also and rede; [F. redeþ]
As wel haue þe quike þe prou
As þe dede þerof þe vertu nou [om. in F.] ;
Line 824
Quike and dede, More and lesse
Ben I-saued þorwh þe Messe.
Þe Offringe is as a present,
Þat helpeþ vs wiþ þe sacrament,
Line 828
To þe ffadur of heuene tentefuly,
ffor whom þou offerest to haue Merci.
A tale I fond ones I-writen,
And as I sauh hit, I wol ȝe witen,
Line 832
And wel a-cordeþ in alle þinge
Þat God is payed of good offringe.
(6.) Of a man þat was closed in a myne.
Hit was a Mon bi-ȝonde þe séé,
A Mynour, wonede In a Citee.
Line 836
Mynours, þei makeþ in hulles holes,
As men don þat secheþ coles.
Þe [r. þis] Mynour souht stones vndur molde
Þat Men of maken seluer and golde.
Line 840
He wrouhte and holede in þe hille.
A perilous chaunce fel hym tille:
A gret parti of þe Myne
ffel doun þer and closed hym Inne.
Line 844
His felawes alle þat weren hym hende,
Þat he weore ded wel þei wende;
Þei eode and tok hem alle to Rede,
And tolde his wyf þat he was dede.
Line 848
Þis wommon bi-menede hir hosebonde sore—
God leeue þat mony such wymmen wore!—
Heo helped his soule in alle þynge,
In almes-dede and in offringe;
Line 852
