Lord, haue Merci of my synne,
And bring me out of al my care;
Euele to do wol I nou [P T couthe neuer] blynne,
I haue I-wrouht aȝeynes þi lawe [r. lare] :
Line 12
Þou rewe of me [boþe] out and Inne,
And hele me of my woundes sare;
Lord, þat al þis world schal winne,
Hele me ar i fonde and fare.
Line 16
FAdur in heuene þat wel [P all] may,
I preye þe, lord, þat þou me lede
In rihte weyes of stable fay;
At myn endynge whon I haue drede,
Line 20
Þi grace ich aske [boþe] niht and day,
And ȝif me merci of my misdede.
Of myn askyng sei not nay,
But help me, lord, at al my nede.
Line 24
Swete Ihesu, for me was boren,
Þou here my preyere loud and stille,
ffor pyne þat me is leid bi-foren
Ofte i sike and wepe my fille.
Line 28
Ofte so haue I ben for-sworen
Whon I haue don aȝeynes þi wille,
Suffre neuere þat I beo loren,
Lord, for myne dedes ille.
Line 32
ÞE holygost, i preye to þe
Niht and day in good entent,
Of al my serwe cumforte me,
Þin holi grace þou me sent, [P be to me sent]
Line 36
And schild me, ȝif þi wille be,
ffrom dedly sunne, þat I ne beo schent,
ffor Marie loue, þat Maiden fre,
In whom þou lihtest, verreyment.
Line 40
I preye þe, ladi Meoke and mylde,
Þat þou preye for my misdede,
ffor [þe] loue of þi swete childe,
As þou him sauh on Rode blede.
Line 44
Euerȝite haue I ben wylde,
Mi sunfol soule is euere in drede:
Merci ladi, þou me schilde,
And helpe me euere at al myn nede.
Line 48
