Et dicitur sacramentum [Nota]
Quasi sacre rei signum.
Et dicitur eukaristia
Quasi bona gracia.
Þe first tels with trew entent:
A haly signe es sacrament.
Line 300
And noght els menes þe eukarist
Bot gude grace, cumen of crist.
Wele may we se it es gude grace,
Þat keper es in cristes place!
Line 304
And grace es more worthi þan kinde,
Als cristen men may haue in minde.—
Men aw to be in clene entent
Þat sall resayue þis sacrament,
Line 308
ffor saint paule sais, & se men may
In þe pystell of þis day: [1 Cor. 11, 29.]
Þat what man so with euill mode
Resaiues goddes fless and his blude,
He cums to his confusiowne
Line 313
And resayues his dampnacioune.
Þarfore saint paule, ane of þe twelue,
Sais þat a man here demes him-selue
And of dampnacion takes his dome,
vnclene to goddes burd and he come.
Man þat dose so, wha-euer he be,
Sall he neuer-more demed be;
Line 320
ffor his awin dome wha-so will take,
What oþer dome suld god him make?
Þarfore suld na man reklesly
Wend to resayue þat blisced body,
Line 324
Þat life es, if þai wele it ta,
And ded to þam þat dose noght swa.
