Þat Ihesus tauhte hem þis preyer
And bad hem seyen þe Pater noster.
Line 472
And þus muchel to seyen hit is:
"Vr ffadur þat in heuene is,
Halewed mot þy nome beo.
And to þi kyngdam þat we teo.
Line 476
Þi wille in heuene and eorþe beo do.
Vre vche-dayes bred send vs to.
And vre dettes for-ȝiue vs,
As we for-ȝiue vre dettours.
Line 480
And lede vs in no fondynge,
But saue us from vche vuel þinge. Amen."
Off þe holigost þe seuen ȝiftis
In þe pater noster I-touched is;
Line 484
Of whuche to God þer touched þre,
And foure in on to þe.
Þis preyere, þeih hit beo schorte,
But hit beo seid wiþ a clene herte,
Line 488
Hit is a-ȝein þulke man
Þat in his herte wraþþe haþ tan.
