And to torne þe wyn in blode,
Þe same þat was sched on Rode.
Line 400
Þe wordus perauenture I coude telle,
Ac I am not worþi and þerfore I nelle.
Ac oþur makyng of þe Mas
I dar wel telle hou hit was.
Line 404
Þe Apostles seide no more
But what þei herde of cristes lore—
No more to þe masse nolde þei do,
And þe paternoster to,
Line 408
vppe þe bred and vppe þe wyn—
And so hem þhouȝt hit good and fyn.
Non oþur vestimens vsud þay
But as þei wereden vche day;
Line 412
