Hit [r. þat] is a-ȝeyn Couetyse,
Þat ne reccheþ In what wyse
Eny catel vndurfonge,
Beo hit Riht beo hit wronge.
Line 240
Hit is þerto clene and luyte,
Aȝeyn Pruide, þat euer ȝute
Wolde beo gret and heiȝ of wille,
As Lucifer, þat furst felle
Line 244
ffor his Pruide out of heuene.
Do we þis Bred aȝeyn þis seuene!
Candida, triticia, tenuis, non magna, rotunda,
Expers frumenti, [r. fermenti] non mixta sit hostia Cristi.—
And hou hit furst com and ede
Þat mon ete Angeles Brede,
Line 248
Hit is liht soþ to telle,
ffor vche cristene mon wot hit welle.
Þe laste soper wiþ-outen wene
Was I-mad atte Ceene,
Line 252
And God bad þe Apostles do so
Whon he weore to heuene I-go;
"Do þis in þe muynde of me;
I go and come to ow a-ȝe."
Line 256
Of þe Apostles þat God sent
[tok] holichurche þe sacrament.—
