Godus folk þou schalt . . . . .gete
And hem teche heor sunnes bete.
Line 260
Þis speche to godus folk Þou schalt preche,
Þou hem schalt þe soþe teche
Hou heo schulle to heuene reche."
. . . . . [(Picture: Birth of John.)]
Also as ich er seyde, þe Maide Marie
Line 264
Hire lyf ladde wiþ-oute folye
Wiþ Eliȝabeth and hire cumpaygnye.
. . . . .
Wiþ hem þenne was heo þore
Þreo Moneþes, oþur more,
Line 268
Wiþ-outen sunne, wiþ-outen sore—
Heo louede god, þat was hire lore.
As seiþ þe holy mon seint Bede:
ffrom hire nece nout heo ne eode
Line 272
Ar heo say fulliche in dede
Eliȝabeth seint Ion fede.—
Þenne heo þonked god, ful of blisse,
Þat he wolde seo hire mekenesse
Line 276
And hire a sone sende in swetnesse,
To taken in hire monnes liknesse.
"Þerfore me schal al Monkynde
Blisful telle in heore mynde,
Line 280
Þat he wolde in me Mekenesse fynde,
Þat mihtful is to lame and blynde.
Of Merci he was leche
ffrom kynde þat dredde his speche.
Line 284
Of þe proude of herte he dude wreche,
And dude þe Meke an heiȝ to reche;
Þe hungri in god he made stronge,
And þe riche he lette al swonge.
Line 288
Þe folk of Israel haþ vndurfonge
Þe child þat heo abide longe;
¶ Also him spac þe heuene kyng
To Abraham and his ofspring."
Line 292
Whon Marie hedde i-seȝe þe dede
Of þe child and al þe neode,
