Heil, Blessed beo þow, Blosme briht,
To trouþe and trust was þyn entent;
Heil Mayden and Modur most of miht,
Of alle mischeues a-Mendement.
Line 20
Heil spice sprong þat neuer was spent,
Heil trone of þe Trinite,
Heil soiourne [on erasure.] þat Godus [r. god is] sone to sent:
Þow preye for vs þi sone so fre. Aue.
Line 24
Heil hertely in holinesse,
Heil hope of help to heihe and lowe,
Heil strengþe and stal [on erasure.] of stabelnesse,
Heil wyndouwe of heuene-wowe,
Line 28
Heil reson of al rihtwysnesse,
To vche a Caytyf cumfort to knowe,
Heil Inocent out of Angernesse,
Vr takel, vr tol þat we on trowe;
Line 32
Heil frend to alle þat beoþ forþ flowe,
Heil liht of loue and of lewte,
Heil brihtor þen þe blod on snowe:
Þow preye for vs to þi sone so fre. Aue.
Line 36
Heil Mayden, heil Modur, heil Martir trewe,
Heil kyndely I-knowe Confessour;
Heil euenere of old lawe and of newe,
Heil Buildere boold of cristes bour;
Line 40
Heil Rose hiȝest of hyde and hewe,
Of alle ffruytes feirest fflour;
Heil Tortul trustiest and trewe,
Of alle trouþe þou art tresour;
Line 44
Heil puyred princesse of paramour,
Heil Blosme of Brere, Brihtest of ble,
Heil owner of eorþly honour:
Þou prey for vs to þi sone so fre. Aue.
Line 48
Heil hende, heil holy Emperesse,
Heil quene [on erasure.] corteis, comely and kynde;
Heil distruyere of eueri stresse,
Heil mender of eueri monnes mynde;
Line 52
Heil Bodi þat we ouhte to blesse,
So feiþful frend may neuer mon fynde;
Heil lenere and louere of largenesse,
Swete and swettest þat neuer may swynde;
Line 56
